Монголын төмөр зам ТӨХК

2025-09-10

“Монголын төмөр зам” ТӨХК-ийн Гүйцэтгэх захирал О.Батчулуун болон компанийн удирдах ажилтнууд Хятадын төмөр замын Хөдлөх бүрэлдэхүүн компанийн (CRRC) Датон дах төмөр замын зүтгүүр, вагоны корпорацийн (CRCC Datong) төлөөллийг хүлээн авч уулзлаа.
Уулзалтын үеэр Монгол Улсын одоогийн төмөр замын дэд бүтцэд тохирсон орчин үеийн зүтгүүрийг ачаа тээвэрт ашиглах боломжийн судалгаа, тооцоолол хийхээр хоёр тал хамтарсан ажлын хэсэг байгуулахаар тохиролцов. Мөн ирээдүйд байгальд ээлтэй цахилгаан зүтгүүрийг нэвтрүүлэх чиглэлээр хамтран ажиллах талаар санал солилцлоо.
Датон дах төмөр замын зүтгүүр, вагоны корпораци нь БНХАУ-ын Шаньси мужийн Датун хотод байрладаг, цахилгаан зүтгүүр болон төмөр замын тоног төхөөрөмж үйлдвэрлэдэг томоохон корпораци бөгөөд олон улсын зах зээлд бүтээгдэхүүнээ нийлүүлдэг юм