Монголын төмөр зам ТӨХК

2025-09-11

“Монголын төмөр зам” ТӨХК-ийн Гүйцэтгэх захирал О.Батчулуун өнөөдөр БНХАУ-ын "Төмөр замын дохиолол холбооны корпораци" ХХК-ийн (CRSC) төлөөлөгчдийг хүлээн авч уулзлаа.
Уулзалтаар Багахангай-Хөшигийн хөндий чиглэлийн салбар төмөр замын төсөл болон Тавантолгой-Гашуунсухайт чиглэлийн төмөр замын хэсэглэлд дохиолол холбоо болон нисэгчгүй нисдэг ухаалаг хяналтын төхөөрөмжийг нэвтрүүлэх чиглэлээр хамтарсан туршилт, судалгааны ажлын хэсэг байгуулах асуудлыг талууд хэлэлцэв.
Тус компани нь БНХАУ-ын төмөр замын дохиолол холбоо, хөдөлгөөний хяналтын системийн чиглэлээр үйл ажиллагаа явуулдаг Хятадын төрийн өмчит корпораци юм.