Мэдээ, Үйл явдал
"МОНГОЛЫН ТӨМӨР ЗАМ" ТӨХК КИБЕР АЮУЛГҮЙ БАЙДЛЫН ЭРСДЭЛИЙН ҮНЭЛГЭЭ ХИЙЛГЭЛЭЭ
2025-10-15
- Тагнуулын ерөнхий газрын Мэдээллийн аюулгүй байдлын газраас 2025 оны 10 дугаар сарын 8-15-ны өдрүүдэд “Монголын төмөр зам” ТӨХК-д Кибер аюулгүй байдлын эрсдэлийн үнэлгээ явуулж, газар хэлтсийн дарга, ахлах мэргэжилтнүүдэд Кибер аюулгүй байдлын тухай хууль болон холбогдох чиглэлээр сургалт зохион байгууллаа.
- Энэхүү үнэлгээ нь Кибер аюулгүй байдлын хуулийн хүрээнд онц чухал мэдээллийн дэд бүтэцтэй байгууллагын кибер аюулгүй байдлын түвшнийг тодорхойлж, эрсдэл үүсэх магадлалыг бууруулах, хамгаалалтын чадавхыг сайжруулахад чиглэсэн юм.
- Сургалтын явцад “Монголын төмөр зам” ТӨХК-ийн ажилтнуудад кибер аюулын талаарх ойлголт, чиг хандлага, эрсдэлээс урьдчилан сэргийлэх арга замууд, хамгаалалтын сайн туршлагуудыг танилцуулсан бөгөөд үнэлгээний үр дүнд тулгуурлан тодорхой сайжруулалтын санал, зөвлөмжүүдийг хүргэлээ.
- “Монголын төмөр зам” ТӨХК цаашид кибер аюулгүй байдлын бодлого, эрсдэлээс урьдчилан сэргийлэх, удирдах, хамгаалах тогтолцоог бүрдүүлж, байгууллагын мэдээллийн аюулгүй байдлыг тасралтгүй сайжруулахад чиглэн ажиллаж байна.
