Их эзэн Чингис хааны мэндэлсний 859 жилийн ой, төрт ёс, түүх соёлынхоо уламжлалыг дээдэлж улс орныхоо тусгаар тогтнол, бүрэн эрхт байдал, үндэсний эв нэгдлийг үр хойчдоо таниулах Үндэсний бахархлын өдрийн мэндийг хүргэе!

 “Монголын төмөр зам” ТӨХК нь Монгол улсын ерөнхийлөгч У.Хүрэлсүхийн санаачилсан “Тэрбум мод” үндэсгий хөдөлгөөнд  нэгдэж энэ өдөр Сонгинохайрхан дүүргийн нутаг дэвсгэрт  100 мод тарилаа.

“Монголын төмөр зам” ТӨХК-ийн Гүйцэтгэх захирал О.Батнасан, “Солонгосын үндэсний төмөр зам” компанийн Монгол дахь салбарын захирал Ким Сон Юнг нар энэ өдөр “Тавантолгой-Зүүнбаян” чиглэлийн 416.1 км төмөр замын төслийн дохиолол холбооны систем суурилуулах цогц ажил гүйцэтгэх гэрээнд гарын үсэг зурлаа.

Манай улсын нүүрсний экспортын тээвэрлэлт нь авто замаас өөр гарцгүй, ковид цар тахлын нөлөөнд нэрвэгдэж, хилийн боомт дээр тээврийн хэрэгслийн нэвтрэлтийн томоохон хүндрэл бухимдлыг үүсгээд байгаа билээ. Экспортын шинэ гарц болсон төмөр замыг экспортлогчид төдийгүй нийтээрээ илүү хүсэн нэхэмжилж, шинэ төмөр замуудын бүтээн байгуулалтын явц дээр анхаарал хандуулсаар байгаа юм.

2008 онд төмөр замын шинэ бүтээн байгуулалт хийгээд үндэсний сүлжээг хөгжүүлэх зорилгоор “Монголын төмөр зам” ТӨХК нь Төрийн өмчийн хорооны 82 дугаар тогтоолоор байгуулагдсан ба өдгөө 13 дахь жилдээ үйл ажиллагаа явуулж байна.