Манай улс одоогийн байдлаар жилд 20 орчим сая тонн нүүрс экспортолж байгаа. Тэгвэл Ухаахудаг Гашуунсухайт, Замын-Үүд, Бичигтийн боомтоор 2020 он гэхэд манай улс жилд 67 сая тонн нүүрс экспортлохоор төлөвлөж байгаа юм байна. Одоо­гийн байдлаар Ухаахудагаас Га­шуунсухайт хүртэлх 267 километрт авто замаар нүүрс тээвэрлэж бай­гаа.

Манай улсын төмөр замын үндсэн шугамыг оро­сууд 1950-иад оны үед тавьж өгснөөс  хойш Монголчууд анх удаа төмөр замын томоохон ажлыг өрнүүлж байна.  УИХ-аас 2010 оны зургаадугаар сард “Төрөөс төмөр замын тээврийн талаар баримтлах бодлого”-ыг баталсан байдаг. Уг бодлогод “Шинэ төмөр зам” төслийн хүрээнд 5600 орчим километр төмөр зам барихаар тусгасан бөгөөд үүнээс Ухаахудаг-Гашуунсухайт чиглэлд 267 км төмөр замыг барих ажил үргэлжилж байна.

“Монголын төмөр зам” компанийн Барилга, угсралтын менежер Б.Эрдэнэбаяраас төмөр замын ажлын бүтээн байгуулалтын явц, санхүүжилт, үйл ажиллагаа явуулахад тулгарч байгаа асуудлын талаар тодрууллаа.

“Ярилцах танхим” булангийн шинэ дугаартаа “Монголын төмөр зам” ТӨХК-ийн гүйцэтгэх захирал П.Бат-Эрдэнийг урьж ярилцлаа.