Тяньжин боомтод “Тээвэр логистикийн төв” байгуулах төслийн ажил эрчимжиж байна

Тяньжин боомтод “Тээвэр логистикийн төв” байгуулах төслийн ажил эрчимжиж байна

Image

Энэ өдөр “Монголын төмөр зам” ТӨХК-ийн Гүйцэтгэх захирал Б.Цэнгэл “Тяньжин хотын хөгжил шинэтгэлийн хороо”-ны дарга Ванг Вэй Дунг, “Тяньжин порт” группийн ТУЗ-ийн дарга Жанг Руй Ганг, тэргүүтэй зочид төлөөлөгчдийг хүлээн авч уулзлаа. Тус уулзалтаар хоёр улсын хамтран хэрэгжүүлж буй Тяньжин боомтод “Тээвэр логистикийн төв” байгуулах төслийн хүрээнд хийж хэрэгжүүлэх ажлын төлөвлөгөө, хамтын ажиллагааны талаар хэлэлцэв.

Уулзалтын эхэнд “Монголын төмөр зам” ТӨХК-ийн Гүйцэтгэх захирал Б.Цэнгэл компанийн үндсэн үйл ажиллагаа, Шинэ төмөр зам төслийг эрчимжүүлэх тухай ЗГ-ын тогтоолууд, Төмөртэй-Хандгайт чиглэлийн төмөр замын тээвэрлэлтийн үйл ажиллагаа, Замын-Үүд дэх тээвэр логистикийн төвийн үйл ажиллагааны талаар танилцууллаа.

Энэ үеэр “Тяньжин хотын хөгжил шинэтгэлийн хороо”-ны дарга Ванг Вэй Дунг хэлэхдээ:

“МТЗ” ТӨХК маш олон төсөл хөтөлбөрүүдийг хэрэгжүүлж, олон ажил хэрэгжих бодитой үе шатад явааг дуулахад таатай байна. Мөн цаашид хэрэгжүүлэх ажлын хэтийн төлөв байдлыг сонсоод хамтран ажиллах хүсэл улам нэмэгдэж байна. Та бүхний хэрэгжүүлж буй төсөл хөтөлбөрүүд бидний хамтын үйл ажиллагаатай салшгүй холбоотой, ялангуяа Замын-Үүд дэх “Тээвэр логистикийн төв” нь Тяньжин дахь “Тээвэр логистикийн төв”-ийн үйл ажиллагаатай нягт уялдаатай ажиллах таатай боломж бүрдлээ гэж үзэж байна. Энэ талаар хоёр талын хамтарсан судалгаа хийж, бодит ажил болгох саналтай байна” гэв.

Тус уулзалтаар талууд “МТЗ” ТӨХК болон “Тяньжинпорт” групп хамтарсан компани байгуулах ажлын хэсгийг байгуулж нарийвчилсан төлөвлөгөө боловсруулан чиг үүргийг тодорхой болгох, графикийн дагуу ажлуудыг хийж гүйцэтгэх, тус төслийн ТЭЗҮ-ийг шинэчлэн боловсруулах, санхүүжилтийн асуудлыг ойрын хугацаанд шийдвэрлэн Монгол Улсад олгох талаар хэлэлцэн тохиролцлоо.

БНХАУ-ын Тяньжин боомтод “Тээвэр логистикийн төв” байгуулснаар Монгол Улс БНХАУ-ын Тяньжин хотын Бинхай шинэ дүүргийн “Дунзяны чөлөөт худалдааны боомт” бүсэд 50 жилийн хугацаагаар 10 га газрыг Хятадын талтай хамтран эзэмшиж, манай улсыг Ази, Европ болон бусад тивтэй холбосон тээврийн оновчтой сүлжээг тогтоох тээвэр логистикийн үйл ажиллагааг зохион байгуулах, “Дунзяны чөлөөт худалдааны боомтбүс”-ийн хөнгөлөлттэй бодлогод дотоодын аж ахуйн нэгжүүдийг хамруулж жижиг, дунд үйлдвэрлэл эрхлэх нөхцөлийг бүрдүүлэх дэд төслүүдийг хэрэгжүүлэх, уул уурхайн болон хөдөө аж ахуйн гаралтай түүхий эд, мах, махан бүтээгдэхүүн, бусад экспортын бүтээгдэхүүнийг Тяньжин боомтоор дамжуулан гуравдагч орны зах зээлд гаргах эдийнзасаг, худалдааны хамтын ажиллагааг өргөжүүлэн хөгжүүлэх өргөн боломж нээгдэх юм.

Сүүлд нэмэгдсэн мэдээллүүд

Мэндчилгээ
2019-07-09 11:16:00
Зүүнбаян-Тавантолгой чиглэлийн 124,6 км төмөр замын хайгуул судалгааны ажлыг гүйцэтгэж байна
2019-07-02 10:14:00
Дэлхийн хамгийн богино төмөр зам
2019-06-26 10:14:00
БНХАУ, БНСУ-ын төмөр замын хамтын ажиллагааны ээлжит хурал зохион байгуулагдлаа
2019-06-24 08:52:00
“Архив, албан хэрэг хөтлөлтийн сургалт” зохион байгууллаа
2019-06-14 11:33:00
Тавантолгой-Зүүнбаян чиглэлийн төмөр замын суурь бүтцийн барилгын ажлын зөвшөөрлийг “Монголын төмөр зам” ТӨХК-д олголоо
2019-06-12 15:02:00
Төмөр замын бүтээн байгуулалтад ажилтан авна
2019-06-10 09:26:00
Тяньжин дахь "Тээвэр логистикийн төв" төслийн ач холбогдлыг "Транзит-Монгол 2019" форумын үеэр танилцууллаа
2019-06-06 13:17:00
Өрсөлдөөнд өрсөх төмөр зам
2019-06-03 09:35:00
Шинэ төмөр зам төслийн Техник эдийн засгийн үндэслэлийн Тавантолгой-Зүүнбаян чиглэлийн төмөр замын хэсгийн тодотголыг дэмжлээ
2019-05-28 15:20:00
Монгол Улс Тяньжин дахь тээвэр логистикийн төвөөр дамжуулан Европын зах зээлд гарна
2019-05-27 17:03:00
Тавантолгой-Зүүнбаян чиглэлийн төмөр замын бүтээн байгуулалтын ажлын нээлт боллоо
2019-05-24 08:56:00