"TransRussia-2018" чуулган ОХУ-д зохион байгуулагдаж байна

Image

Монгол Улсын Зам, тээврийн хөгжлийн яам, “Улаанбаатар төмөр зам” нийгэмлэг хамтран зохион байгуулж буй “Транзит Монгол-2018” чуулган ОХУ-ын нийслэл Москва хотын Crocus Expo төвд эхэллээ.

Монгол Улсын Далайн захиргааны дарга С.Түвшинтөр

Далайд гарцгүй улсуудын далбаагаа мандуулах эрхийн хүрээнд Монгол Улс хөлөг онгоцны нээлттэй бүртгэлийн үйл ажиллагааг 2003 онд Бүгд Найрамдах Сингапур Улсад эхлүүлсэн. Монгол улсын хѳлѳг онгоцны бүртгэл нь дэлхийд Люксeмбург, Щвейцарь улсуудын дараа далайд гарцгүй орнуудын үүсгэн байгуулсан гурав дахь хѳлѳг онгоц бүртгэлийн газар болон гарч ирсэн түүхтэй.

Монгол Улсын хөлөг онгоцны бүртгэлд өссөн дүнгээр 30–аад улсын 3000 гаруй хөлөг онгоц бүртгэгдсэн бөгөөд 300 орчим хөлөг онгоц байнгын бүртгэлтэй байна. Манай улс  хэдийгээр далайд гарцгүй ч, Монголын хѳлѳг онгоцны бүртгэл нь зарим далайд гарцтай орнуудтай харьцуулахад бүртгэсэн онгоцны нийт даац болон тоогоор илүү байгаа нь ѳнгѳрсѳн хугацаанд тухайн салбартаа тодорхой хэмжээний орон зайг эзэлж чадсаны илрэл юм.

 

Монгол Улс нь Энгийн /түр ба байнгын/, богино хугацааны, моргэйж, хөлөг онгоц дангаар түрээслэх гэсэн төрлүүдээр хөлөг онгоц бүртгэдэг.  Шаардлагатай баримт бичгийн мэдээллийг манай цахим хуудаснаас авч болно. Одоогийн байдлаар Монгол Улс нь нийт 5 улсад итгэмжлэгдсэн агент томилон ажиллуулж байна. Мөн Lloyd's Register, Korean Register, Russian Maritime Register of Shipping зэрэг хамтран ажилладаг Хүлээн зөвшөөрөгдсөн байгууллагуудаар дамжуулан Монгол Улсад бүртгэлтэй хөлөг онгоцны үзлэг, шалгалтыг өргөн сүлжээгээр зохион байгуулдаг.

Эрдэнэт-Олон овоотын төмөр замын төслийг хэрэгжүүлж буй Нортерн Рэйлвэйс ХХК Дэд бүтэц хариуцсан захирал Маттью Кромптон:

Аспайр Майнинг компани Монгол Улсад зургаан жилийн үйл ажиллагаа явуулж байна. Эрчим хүчний нүүрс олборлогч томоохон компаниудын нэг юм. Овоот Эрдэнэтэд 30 жилийн турш ашиглаж болох эрчим хүчний коксжих нүүрс байна.

Нийт хөрөнгийн өртөг 1 тэрбум 250 сая ам.долларын өртөгтэй төсөл юм.

Эрдэнэтээс-Овоот хүртэл бид шинэ төмөр зам байгуулах төслийг хэрэгжүүлж байна. Нийт 542 км төмөр замын суурь бүтцийг бий болгохоор ажиллаж байна.

Бид Тува мужийн хамтран ажиллагсадтайгаа сайн харьцаатай ажиллаж байна. Мөн УБТЗ-ын түншүүдтэйгээ байнга мэдээллээ солилцож байна.

Бид Аспайр Майнингтай концессын гэрээ байгуулж ажиллаж байна. Хятад Монгол Оросын төмөр замыг холбоод улмаар Европ руу гаргах төсөл юм. Эрдэнэт-Овоотын төсөл бол 542 км урттай. Нийт хөрөнгийн өртөг 1 тэрбум 250 сая ам.долларын өртөгтэй төсөл юм.

Жилдээ 30 сая тонн ачаа тээвэрлэх хүчин чадалтай болох юм.  2012 онд бид Хятад Европоос ачаа тээвэрлэх боломжуудыг судалсан. Хойд коридорыг бид санал байгуулсан. Энэ коридороор Хятадаас Европ руу гаргах хамгийн дөт зам юм байна гэж үзсэн.

Хойд коридор бол Хятадаас ирж байгаа контейнерийг Европ руу явуулахад хамгийн дөт юм. Уул уурхайн бүтээгдэхүүнийг тээвэрлэхэд харьцангуй дөт байгаа нь харагдаж байна. 2012 оноос хойш бид Монгол Улсад 6 жил ажиллахдаа 11 сая ам.долларын хөрөнгө оруулалт хийгээд байна.

Нийт энэ төсөл 2,54 тэрбум ам.долларын төсөл байгаа юм.

Элчин сайд Б.Дэлгэрмаа:

Монгол Улсын Элчин сайдын хувьд надад «Транзит Монгол-2018» олон улсын форумых нээх хүндэт үүрэг оногдлоо. Өнөөдрийн арга хэмжээ нь, миний бодлоор, зөвхөн манай тээврийн салбарын хөгжилд төдийгүй нийт Монгол Улсын эдийн засгийн хөгжлийн хувьд маш чухал юм.

Мэдээжийн хэрэг, тээврийн салбар нь манай орны хөгжлийн болон гадаад орнуудтай өрнүүлэх хамтын ажиллагааны үндсэн чиглэлүүдийн нэг юм. Эдийн засгийг хөгжүүлэн, худалдааны эргэлтийг нэмэгдүүлэхийн тулд эхний ээлжинд үр дүнтэй, аюулгүй бөгөөд найдвартай тээвэрлэлт хийх шаардлагатай байна.

Сүүлийн жилүүдэд идэвхтэй хамтран ажилласны нь үр дүнд бид дамжин өнгөрөх тээврийг хөгжүүлэх саалбарт таатай эрх зүйн орчинг бий болгох салбарт бид маш их дэвшилд хүрсэн байна.

2017 оны наймдугаар сард Монгол Улсын Гадаад харилцааны яам, ОХУ-ын Эдийн засгийн хөгжлийн яам болон БНХАУ-ын хөгжил, шинэчлэлийн улсын хорооны удирдах албан тушаалтны «Эдийн засгийн коридорын хөтөлбөрийн» хэрэгжилтийн асуудалд зориулсан уулзалтын үеэр Хөтөлбөрийн тэргүүлэх чиглэлийн төслүүдийн жагсаалтыг баталсан ба тэдний гурав нь тээврийн салбарт хамаарагдах юм.

Тухайлбал, Монгол Улсын төмөр замын Улаан-Үд - Улаанбаатар – Тяньжин гэх төв чиглэлийн төмөр замын цогцоор нь шинэчлэх, Улаан-Үд – Улаанбаатар – Тяньжин чиглэлд дамжин өнгөрөх тээврийг зохион байгуулах болон уг чиглэлийн замыг хөгжүүлэх нь ихээхэн чухал юм.

ОХУ-ын нийслэл Москва хотноо 2017 оны наймдугаар сард болж өнгөрсөн XIII хурлын үеэр төмөр замаар дамжин өнгөрөх ачаа тээврийг хөгжүүлэх нөхцөл дээр тохиролцон, Монгол Улсын Засгийн газар болон Оросын Холбооны Улсын Засгийн газар хоорондын гэрээний төслийг эцэслэн боловсруулсан байна.

Энэхүү гэрээ нь Монгол Улс болон ОХУ-ын нутаг дэвсгэрээр дамжин гадаад худалдааны барааг төмөр замаар дамжин тээвэрлэх таатай нөхцөл бий болгох зорилготой юм. Одоогийн байдлаар талууд гэрээнд гарын үсэг зурахад шаардлагатай дотоод журмыг боловсруулаад байгаа ба ойрын ирээдүйд Гэрээнд гарын үсэг зурж, хэрэгжүүлнэ гэдэгт би итгэлтэй байна.

Тээврийн дэд бүтцийг хөгжүүлэх салбарт өсөн нэмэгдэж буй хамтран ажиллагаа болон Ази, Европын хоорондын дамжин өнгөрөх урсгалыг нэмэгдүүлэх болсон өнөөгийн нөхцөлд Москва хотноо уг "Транзит Монгол 2018" олон улсын форумыг зохион байгуулж байгаа нь цагаа олсон буюу маш их ач холбогдолтой арга хэмжээ болсон гэдэгт би итгэлтэй байна.

Өнөөдрийн хэлэлцүүлэг болон Монгол Улсын 11 тээврийн компани, байгууллагуудын саналыг дэлгэсэн манай үндэсний павилион нь форумд оролцогчдын хувьд хамтын ажиллагааны шинэ боломжуудыг нээж, өөрсдийн чадавхийг бүрэн дүүрэн ашиглах боломжийг нээж өгнө гэдэгт би итгэлтэй байна.

Форумд оролцогчдод амжилт хүсч, үр бүтээлтэй ажиллахыг ерөөж байна.

 

Эх сурвалж: www.gogo.mn

Нийтлэгдсэн огноо: 2018-04-19 09:20:00
ЗТХ-ийн сайд Я.Содбаатар Европын холбооны гишүүн улсуудаас Монгол Улсад суугаа элчин сайд нартай уулзав
2018-12-10 13:30:00

БНХАУ-ын ачааны вагоны тэргэнцэрт Хойд Америкийн төмөр замын холбоо гэрчилгээ олгов
2018-12-10 09:56:00

AI роботыг Токиогийн галт тэрэгний буудалд ажиллуулна
2018-12-03 09:56:00

Африк тивийн анхны өндөр хурдны төмөр зам ашиглалтад орлоо
2018-11-30 13:48:00

Зам, тээврийн хөгжлийн сайд Я.Содбаатар ОХУ-ын Тээврийн сайд Е.И.Дитрихтэй уулзалт хийлээ
2018-11-29 09:46:00

ОХУ Вена хот хүртэл өргөн царигийн төмөр замтай болно
2018-11-27 09:47:00

“Авлигын эсрэг сургалт” зохион байгуулж байна
2018-11-22 11:24:00

Терроризмын эсрэг судалгааны Sherpa төслийг UIC эхлүүллээ
2018-11-20 15:14:00

Си Ар Ар Си компани Турк Улсад төмөр замын судалгааны хамтарсан төв байгууллаа
2018-11-19 10:02:00

Умард туйлын бүсэд шинэ төмөр замын төсөл эхлүүлнэ
2018-11-16 15:41:00

Төмөр замын робот цагдааг байрлуулжээ
2018-11-14 11:34:00

ОХУ-БНХАУ чиглэлийн төмөр замын тээврийн тарифыг бууруулах асуудлыг хэлэлцэж байна
2018-11-12 12:07:00

"Бүс нутгийн логистикийн төв" ашиглалтад орсноор орон нутагт 200 гаруй ажлын байр нэмэгдэнэ
2018-11-06 17:00:00

Екатеринбург-Эрээн чиглэлийн анхны ачаа тээвэр Орос-Монголын хилд хүрлээ
2018-11-05 09:47:00

Хятадын анхны агаарын цахилгаанжуулсан төмөр зам баригдлаа
2018-11-02 14:43:00

БНХАУ-Мандалай чиглэлийн төмөр замын ТЭЗҮ-ийг тохиролцлоо
2018-10-31 10:17:00

БНХАУ-ОХУ-ыг холбосон гүүр ашиглалтад орно
2018-10-29 09:23:00

“Монгол-Тяньжины Дунзян тээвэр, логистикийн төв” төслийн хамтын ажиллагааны тухай ерөнхий хэлэлцээрт гарын үсэг зурлаа
2018-10-23 15:07:00

Тяньжин боомтод “Тээвэр логистикийн төв” байгуулах төслийн ажил эрчимжиж байна
2018-10-23 13:20:00

БНХАУ-ын хамгийн анхны далай дээрх өндөр хурдны төмөр замын гүүрэн байгууламж амжилттай холбогдож дууслаа
2018-10-22 14:07:00