“Тээвэр ложистик төв” байгуулснаар Монголчууд далайд гарцтай болно

Image

Зүүн Ази-Европыг холбох “гүүр” байгуулах зорилгоор Монгол, Орос, Хятад гурван улсын Эдийн засгийн коридорын анхны ачаа тээврийн цувааг энэ сарын 13-ны өдрөөс эхлэн туршилтаар явуулж эхэлсэн. Энэхүү хариуцлагатай ажлыг Зам, тээврийн хөгжлийн яам, Автотээврийн үндэсний төв, Монгол тээвэр нэгдэл зэрэг байгууллагууд хамтран зохион байгуулж байна. Ингэснээр олон улсын харилцаа, хамтын ажиллагаа сайжрахаас гадна улс орны эдийн засгийг хөгжүүлэх суурь болно гэдгийг албаны хүмүүс хэлж байгаа юм. Туршилтын транзит тээвэрлэлтийг Улаан Үд-Хиагт – Алтанбулаг-Дархан- Улаанбаатар-Сайншанд- Замын Үүд – Эрээн-Бээжингийн гаднах тойрог-Тяньжин-Улаан Үд маршрутаар гүйцэтгэхээр төлөвлөж энэ сарын 18-ны өдөр тус цуваа БНХАУ-ын Тяньжин боомт хүртэл тээвэрлэлтээ амжилттай гүйцэтгээд байгаа юм.

Зам, тээврийн хөгжлийн дэд сайд Б.Цогтгэрэл тэргүүтэй төлөөлөгчид тус арга хэмжээнд оролцох үеэр БНХАУ-ын Тяньжин  хотын Дунзяны чөлөөт худалдааны боомтын үйл ажиллагаатай танилцаж, хамтран ажиллах санал солилцлоо. Уулзалтад Зам, тээврийн дэд сайд Б.Цогтгэрэл, СТБХГ-ын дарга С.Батболд, “МТЗ” ТӨХК-ийн гүйцэтгэх захирал Ц.Түмэнбаяр, АТҮТ-ийн газрын дарга Т.Баясгалан, Тяньжин тээвэр хариуцсан мэргэжилтэн П.Бат нар оролцож, боомтын үйл ажиллагаатай газар дээр нь очиж танилцжээ. Дэд сайд Б.Цогтгэрэл “Тяньжин ложистик төвийг байгуулснаар Монгол Улсын эдийн засагт олон дэвшлийг авчрах ач холбогдолтой” хэмээн онцолж байлаа.

 

Монгол Улсын Засгийн газраас 2013 онд БНХАУ-ын Тяньжин хотын Дунзян чөлөөт худалдааны боомт бүсэд 10 га газрыг 50 жилийн хугацаатайгаар Хятадын талтай хамтран эзэмшиж, ашиглахаар шийдвэрлэн “Тээвэр ложистикийн төв” төсөл хэрэгжүүлэх Монгол талын төлөөллөөр “Монголын төмөр зам” ТӨХК-ийг томилсон байдаг.  Энэхүү төсөл хэрэгжиж эхэлснээр Монгол Улсын хилээр дамжин өнгөрөх бараа бүтээгдэхүүнийг агуулах, задгай талбайн үйлчилгээ үзүүлэх, бараа бүтээгдэхүүнийг боловсруулан үйлдвэрлэх, уул уурхайн савлагаатай бүтээгдэхүүнийг хадгалах, хүнсний зарим бүтээгдэхүүнийг хөргөх, талбай түрээслэх тээвэр зууч, ложистикийн үйлчилгээг үзүүлэх зэргээр тээврийн салбарт олон давуу талууд бий болох юм.

/Эх сурвалж: http://www.mrtd.gov.mn//

Нийтлэгдсэн огноо: 2016-08-22 10:03:00
Дэлхий даяараа төмөр замд анхаарал хандуулснаар тээврийн хэрэгслийн хорт хийн ялгарлыг бууруулж чадна гэв
2019-02-19 10:43:00

Зам, тээврийн хөгжлийн сайд Б.Энх-Амгалан “МТЗ” ТӨХК-ийн үйл ажиллагаатай танилцлаа
2019-02-14 11:58:00

“Си Ар Ар Си Чишүяань” ХХК Нигер Улсад 21 ширхэг дизель зүтгүүр нийлүүлэх гэрээ байгууллаа
2019-02-12 15:03:00

Төмөр замын тээврийн тухай хуулийн шинэчилсэн найруулгын төсөлд саналаа ирүүлнэ үү
2019-02-12 11:40:00

Сар шинийн мэндчилгээ
2019-02-02 13:27:00

Зүүн өмнөд Азийн орнуудад төмөр замын хуулийн тогтолцоог өргөжүүлнэ
2019-01-28 10:52:00

Энэтхэг Улс дотооддоо үйлдвэрлэсэн “Train 18” галт тэргийг ашиглалтад орууллаа
2019-01-25 13:55:00

Зам, тээврийн хөгжлийн сайд Я.Содбаатар аймгийн засаг дарга нартай 2019 онд хамтран ажиллах гэрээнд гарын үсэг зурлаа
2019-01-21 10:58:00

“МТЗ” ТӨХК-ийн хамт олон 2018 оны ажлаа дүгнэлээ
2019-01-11 16:14:00

Машинч нарын хомсдол
2019-01-07 10:22:00

Зам, тээврийн хөгжлийн сайдын шуурхай хурал боллоо
2019-01-02 16:52:00

Төмөр замын гриплийг танилцууллаа
2019-01-02 10:12:00

Гүйцэтгэх захирлын мэндчилгээ
2018-12-28 09:29:00

ЗТХ-ийн сайд Я.Содбаатар Европын холбооны гишүүн улсуудаас Монгол Улсад суугаа элчин сайд нартай уулзав
2018-12-10 13:30:00

БНХАУ-ын ачааны вагоны тэргэнцэрт Хойд Америкийн төмөр замын холбоо гэрчилгээ олгов
2018-12-10 09:56:00

AI роботыг Токиогийн галт тэрэгний буудалд ажиллуулна
2018-12-03 09:56:00

Африк тивийн анхны өндөр хурдны төмөр зам ашиглалтад орлоо
2018-11-30 13:48:00

Зам, тээврийн хөгжлийн сайд Я.Содбаатар ОХУ-ын Тээврийн сайд Е.И.Дитрихтэй уулзалт хийлээ
2018-11-29 09:46:00

ОХУ Вена хот хүртэл өргөн царигийн төмөр замтай болно
2018-11-27 09:47:00

“Авлигын эсрэг сургалт” зохион байгуулж байна
2018-11-22 11:24:00