МОНГОЛ УЛС ДАХЬ ТӨМӨР ЗАМЫН СУУРЬ БҮТЦИЙН БҮТЭЭН БАЙГУУЛАЛТЫН ТӨСӨЛД ОРОЛЦОХ УРИЛГА

МОНГОЛ УЛС ДАХЬ ТӨМӨР ЗАМЫН СУУРЬ БҮТЦИЙН БҮТЭЭН БАЙГУУЛАЛТЫН ТӨСӨЛД ОРОЛЦОХ УРИЛГА

Танилцуулга: 2010 онд Монгол Улсын Их Хурлаас “Төрөөс төмөр замын тээврийн талаар баримтлах  бодлого”-ыг баталсан. Энэхүү бодлогод үндэсний төмөр замын дотоодын нэгдсэн сүлжээг өргөжүүлэх, ашигт малтмалын томоохон ордуудыг ашиглах, тэдгээрийн бүтээгдэхүүнийг экспортлох зорилгоор 5600 км төмөр замын суурь бүтцийг 3 үе шаттайгаар барьж байгуулахаар шийдвэрлэсэн.

Монгол Улсын Засгийн газар 2012 оны 121 дүгээр тогтоолоор I ба II үе шатны төмөр замын суурь бүтэц барих тусгай зөвшөөрлийг, 2013 оны 28 дугаар тогтоолоор “барих-ашиглах-шилжүүлэх” (“BOT”) концессийг “Монголын төмөр зам” ТӨХК-д олгохоор шийдсэн.

Монгол Улсын Засгийн газар шинэ төмөр замын энэхүү төслийг (цаашид “Төсөл” гэх) төр, хувийн хэвшлийн түншлэлийн концессийн хэлбэрээр хэрэгжүүлэхтэй холбогдуулан дотоод, гадаадын хөрөнгө оруулалттай тусгай зориулалтын “Шинэ төмөр зам” ХХК (SPV) байгуулахаар шийдвэрлэсэн.

Төслийн тухай: Уг төсөл нь төмөр замын бодлогын I ба II үе шатанд барих 1900 км төмөр замын суурь бүтцийг санхүүжүүлэх, барих болон ашиглах хүрээг хамаарна. “Монголын төмөр зам” ТӨХК нь “Шинэ төмөр зам төсөл”-ийн дараах чиглэлүүдийн техник-эдийн засгийн үндэслэлийг боловсруулаад байна. Үүнд:

-          Таван толгой – Сайншанд чиглэл (400 км),

-          Сайншанд – Баруун-Урт чиглэл (350 км),

-          Баруун-Урт – Хөөт чиглэл (140 км),

-          Хөөт – Чойбалсан (150 км),

-          Хөөт – Бичигт (200 км),

-          Хөөт – Нөмрөг (380 км),

-          Таван толгой – Гашуун сухайт (367 км).

Төслийн өртөг: “Монголын төмөр зам” ТӨХК-ийн боловсруулсан техник-эдийн засгийн үндэслэлээр “BOT” нөхцлөөр төслийн нийт өртгийг 5.2 тэрбум ам.доллар байхаар тооцоолсон.

Урилга: “Монголын төмөр зам” ТӨХК үүгээр хөрөнгө оруулагчдыг “Шинэ төмөр зам” ХХК-ийн 49 хувьд хөрөнгө оруулахыг урьж байна.

Санал авах хугацаа: Сонирхож буй хөрөнгө оруулагчид оролцох хүсэлтээ Улаанбаатарын цагаар 2013 оны 03 дугаар сарын 17–ны өдрийн 17:00 цагаас өмнө “Монголын төмөр зам” ТӨХК-ийн Гүйцэтгэх захирал П.Бат-Эрдэнэд албан ёсоор бичгээр investor@mtz.mn цахим хаягт ирүүлнэ үү.

Тодруулга авах: Энэхүү урилгатай холбоотой аливаа тодруулга авах хүсэлтийг “Шинэ төмөр замын төслийн талаар тодруулга хүсэх тухай” гэсэн гарчигтайгаар investor@mtz.mn цахим хаягт ирүүлж болно.

  • 2014-02-14 00:00:00
  • Сүүлд нэмэгдсэн мэдээллүүд

    М.Цог-Эрдэнэ: Энэ бүтээн байгуулалт нь Өмнөговь, Дорноговийг төмөр зам, эрчим хүчээр хангах “хос морьтой” төсөл
    2020-09-15 09:34:00
    Хөрөнгө худалдах зар
    2020-09-15 09:23:00
    ТТ-ЗБ төмөр замын анхны 132.38 у/м гүүрэн дээр зам төмрөө угсарч байна
    2020-09-11 09:32:00
    Шинэ төмөр замын чанар шалгагч бүсгүйчүүд
    2020-09-08 09:01:00
    Их харгуйн хөндийг сэрээсэн Монголын төмөр зам
    2020-09-07 15:57:00
    Төмөр замын төслийн талбайд ХАБЭА-н сургалт зохион байгууллаа
    2020-09-04 14:38:00
    Тулаанд зөвхөн шонхорууд нисдэг
    2020-09-02 09:25:00
    ГОВИЙН ЗЭРЛЭГ ҮЕРИЙН ДАЙРЛАГА БУЮУ ТҮР ДАЛАНГИЙН НУРАЛТЫН МӨРӨӨР...
    2020-08-28 14:23:00
    Тавантолгой-Зүүнбаян чиглэлийн төмөр замын үндсэн далан үерт автаагүй
    2020-08-17 09:58:00
    МЭНДЧИЛГЭЭ
    2020-07-30 10:57:00
    О.Цацрал: Төмөр замд “би эмэгтэй хүн” гэдэг хөнгөлөлт байхгүй
    2020-07-28 14:55:00
    УИХ-ын дарга Г.Занданшатар Тавантолгой-Зүүнбаян чиглэлийн төмөр замын бүтээн байгуулалттай танилцлаа
    2020-07-22 15:28:00