"Монголын төмөр зам" ТӨХК-ийн бүтээн байгуулалтыг RAILWAY MONGOLIA-2022 үзэсгэлэн дээр толиллууллаа

Image

Төр, хувийн хэвшлийн суурь бүтэц эзэмшигч төмөр замын байгууллагууд, төмөр замын тээвэрлэлтийн үйл ажиллагаа эрхлэгч компаниудыг олон нийтэд танилцуулах “RAILWAY MONGOLIA-2022” анхдугаар үзэсгэлэнд “Монголын төмөр зам” ТӨХК оролцлоо.

Тус үзэсгэлэнд “Монголын төмөр зам” ТӨХК-ийн “Тавантолгой-Зүүнбаян” чиглэлийн 416,1 км төмөр замын бүтээн байгуулалт, тээвэрлэлтийн үйл ажиллагааг иргэдэд биет байдлаар үзүүлж, виртуал орчин аялуулсан нь Улаанбаатар хотоос 650 км-т Өмнөговь аймгаас Дорноговь аймгийн нутаг дэвсгэрийг дамнан үргэлжлэх төмөр замын бүтээн байгуулалт, тээвэрлэлтийн процессыг бодитоор үзэх боломж олгож байлаа.

Мөн энэ үеэр Замын-Үүд дэх Бүс нутгийн логистик төвийн Замын-Үүд-Эрээн авто боомтоор орж ирж буй чингэлэг солилцох шилжүүлэн ачилт буулгалтыг тус компани 2022 оны 01 дүгээр сараас эхлэн хариуцаж өнөөдрийн байдлаар Монгол Улсын хилээр 18230 ш  чингэлэг оруулж, 10916 ш хоосон чингэлэг гаргасан талаар мэдээллээ. Мөн Сэлэнгэ аймаг дахь “Монголын төмөр зам” ТӨХК-ийн “Төмөртэй өртөө”-нөөс Хандгайт өртөө хүртэлх 33,4 км төмөр замаар өөрийн эзэмшлийн зүтгүүр болон вагон парктайгаар жилд дунджаар 2000 орчим тонн төмрийн хүдрийг тээвэрлэж буйг мэргэжилтнүүд онцолж байсан.

Энэ үеэр Тээвэр, логистикийн газрын дарга Б.Ууганхүүгээс тодруулга авлаа.

Б.УУГАНХҮҮ:

Сурв:- Өнөөдрийн төмөр замын үзэсгэлэнгийн ач холбогдол та юу гэж харж байна вэ, “Монголын төмөр зам” ТӨХК хэрхэн оролцож байна?

-“RAILWAY MONGOLIA-2022” анхдугаар үзэсгэлэн зохион байгуулагдаж “Монголын төмөр зам” ТӨХК-ийн үндсэн үйл ажиллагаа, төмөр замын бүтээн байгуулалтын ажил, тээвэрлэлтийн үйл ажиллагаагаа олон нийтэд танилцуулах боломж олгож буйд талархаж байна. Төр хувийн хэвшлийн суурь бүтэц эзэмшигч төмөр замын байгууллагууд, төмөр замын тээвэрлэлтийн үйл ажиллагаа эрхлэгч байгууллагуудын хамтын ажиллагаа, уялдаа холбоо нь Шинэ сэргэлтийн бодлогын хүрээнд Хилийн боомтуудыг төмөр замаар үе шаттайгаар холбон төмөр замын дотоодын нэгдсэн сүлжээг байгуулах их үүрэг хариуцлага бидний өмнө байгаа гэдгийг харуулсан онцлог ач холбогдолтой үйл ажиллагаа боллоо.

Сурв: -“Тавантолгой-Зүүнбаян” чиглэлийн төмөр замын тээвэрлэлт хэвийн үргэлжилж байгаа юу?

-“Тавантолгой-Зүүнбаян” чиглэлийн 416,1 км төмөр замаар 2022 оны 03 дугаар сараас зүгшрүүлэлтийн тээвэрлэлтийг хийж эхэлсэн цагаас өнөөдрийн байдлаар экспорт, импортын болон дотоодын нийт 316,000 гаруй тонн ачаа тээвэрлээд байна. “Монголын төмөр зам” ТӨХК нь нийгмийн хариуцлагын хүрээнд Улаанбаатар хотыг утаагүй түлшээр хангах ажлыг эхлүүлж эхний 3000 тонн сайжруулсан шахмал түлшний түүхий эдийн мидлингийн тээвэрлэлтийг хийсэн.

Мөн “Монголын төмөр зам” ТӨХК нь хүний нөөц, зам засварын машин механизм, тоног төхөөрөмжид тулгуурлан Зүүнбаян-Ханги чиглэлийн төмөр замын бүтээн байгуулалтад оролцож тус төмөр замын 100 км-т дээд бүтцийн барилгын ажлыг гүйцэтгэж байна. Мөн тус чиглэлийн төмөр замын дэд бүтцийн барилгын материалыг  “Монголын төмөр зам” ТӨХК, БТЕГ ХХК хамтран Тавантолгой-Зүүнбаян чиглэлийн төмөр замын Зүүнбаян өртөөнөөс Зүүнбаян-Хангийн төмөр замын эхлэл 113 дугаар км хүртэл тээвэрлэж байна.

 

Ерөнхий инженер Д.Нямлхагва:

Шинэ сэргэлтийн бодлогод тусгагдсанБоомтын сэргэлтийн бодлогыг хэрэгжүүлэх ажлын хүрээнд боомтуудын дэд бүтцийг хөгжүүлэн ачаа болон зорчигч нэвтрүүлэх хүчин чадлыг дээшлүүлэх, экспортыг нэмэгдүүлэх зорилтын хүрээнд шинээр 3000 гаруй км төмөр зам барьж байгуулах, 13 аймгийг төмөр замын дэд бүтцээр холбох их ажил үүрэг хариуцлага бидэнд бий. Төмөр замын байгууллага, компаниуд Монгол Улсад төмөр замын нэгдсэн сүлжээг байгуулахИх ажлын эхлэл болж байна....” хэмээн “RAILWAY MONGOLIA-2022” үзэсгэлэнгийн хүндэтгэлийн үйл ажиллагааны үеэр хэлсэн үгэндээ онцоллоо.

 

Хүндэтгэдийн үйл ажиллагааны үеэр Монгол Улсад Төр, хувийн хэвшлийн суурь бүтэц эзэмшигч төмөр замын байгууллагууд, төмөр замын тээвэрлэлтийн үйл ажиллагаа эрхлэгч нийт 25 байгууллагаас Шилдэгийн шилдэг инженерийг 5 номинацид шалгаруулж өргөмжилсөн. Энэхүү шагналын номинацийн “Шилдэгийн шилдэг Төмөр замын зураг төслийн инженер”-ээр “Монголын төмөр зам” ТӨХК-ийн Зураг төслийн инженер Б.Золбаяр, “Шилдэг гүүр хоолойн төслийн инженер”-ээр “Монголын төмөр зам” ТӨХК-ийн Хиймэл байгууламжийн инженер Э.Мөнхзолбоо нар “Тавантолгой-Зүүнбаян” чиглэлийн 416,1 км төмөр замын бүтээн байгуулалтын ажлын гүйцэтгэлээрээ шалгарч, шагнууллаа.

  • 2022-10-06 08:16:00
  • Сүүлд нэмэгдсэн мэдээллүүд

    "Монголын төмөр зам" ТӨХК Боомтын сэргэлтийн хүрээнд төмөр замын төслүүдийг эрчимжүүлж байна
    2023-02-02 14:01:00
    Хэвлэл мэдээллийн байгууллага, сэтгүүлч та бүхнийг урьж байна
    2023-02-01 15:15:00
    П.Ганхүү: 2023 онд “Монголын төмөр зам” компани нь тээвэрлэлтийн үйл ажиллагаагаа нэмэгдүүлж 5,000,000 тн ачаа тээвэрлэх төлөвлөгөөтэй ажиллаж байна
    2023-01-30 13:43:00
    2023 оныг бүрэн цахимжсан, бүтээмжийг дээдэлж, хариуцлага, үр дүнг тооцох жил болголоо
    2023-01-27 15:47:00
    Хамтран ажиллах санал
    2023-01-27 12:19:00
    Төмөр замын тээврийн тухай хуулийн төсөл өргөн мэдүүллээ
    2023-01-10 17:27:00
    Тавантолгой-Зүүнбаян чиглэлийн төмөр замын Цогтцэций өртөөний технологийн барилга байгууламжийг улсын комисс хүлээн авлаа
    2023-01-02 11:15:00
    "Тавантолгой-Зүүнбаян" чиглэлийн төмөр замыг байнгын ашиглалтад хүлээн авах бэлтгэл хангасан тухай техникийн комиссын дүгнэлт гарлаа
    2022-12-30 15:20:00
    СОНГОН ШАЛГАРУУЛАЛТЫН ЗАР
    2022-12-23 14:06:00
    Тавантолгой-Зүүнбаян чиглэлийн төмөр замын гэрээг нууцаас гаргалаа
    2022-12-10 12:18:00
    Монгол Улсын Засгийн газрын тогтоолыг танилцуулж байна
    2022-12-09 16:13:00
    “МТЗ” ТӨХК-ийн мэргэжилтнүүд ISO стандартын дотоод аудиторын чадамжийн гэрчилгээ авлаа
    2022-12-09 11:42:00