Компанийн танилцуулга

Алсын хараа:          Дэлхийд тэргүүлэгч төмөр замын тээвэрлэгч болох

Эрхэм зорилго:      Монгол Улсын төмөр замын салбарын хөгжлийг тодорхойлогч үндэсний компани болох

“Монголын төмөр зам” Төрийн Өмчит Хувьцаат Компани нь Төмөр замын салбарт улсын төсөв болон гадаадын зээл, тусламжийн хөрөнгөөр үүссэн өмчийг эзэмших, ашиглах, бизнесийн шударга өрсөлдөөнийг бий болгох, төмөр замын салбарт үндэсний компани бий болгох зорилгоор 2008 оны гуравдугаар сарын 05-ны өдрийн Монгол Улсын Засгийн газрын 82 дугаар тогтоол, мөн сарын 20-ны өдрийн Төрийн өмчийн хорооны шийдвэрээр байгуулагдсан.

Үйл ажиллагааны чиглэл:

-         Төмөр замын суурь бүтэц барих, ашиглах, арчлах;

-         Төмөр замын тээвэрлэлтийн үйл ажиллагаа эрхлэх;

-         Төмөр замын суурь бүтэц, хөдлөх бүрэлдэхүүнийг үйлдвэрлэх, угсрах, түрээслэх, засварлах;

-         Гадаад худалдаа, хуулиар хориглоогүй бизнес эрхлэх;

 “Шинэ төмөр зам” төслийн Тавантолгой-Гашуунсухайт чиглэлд 240 км төмөр замын төслийг хэрэгжүүлэгч “Тавантолгой төмөр зам” ХХК, Хятадын Тяньжин боомтод тээвэр, логистикийн төвийн төсөл хэрэгжүүлэгч “Монголиан порт групп” гэсэн 2 охин компанийг 2018 онд байгуулан үйл ажиллагааг эхлүүлээд байна.

Өнөөгийн байдлаар “Монголын төмөр зам” ТӨХК нь төв оффис, Төмөртэй төмөр зам, Зам-Үүд дэх бүс нутгийн логистик төв, Замын-Үүд дэх шилжүүлэн ачих цогцолбор, Шинэ төмөр зам төсөл, Тавантолгой–Зүүнбаян чиглэлийн төмөр замын төслийг удирдах нэгж зэрэгт нийт 280 гаруй орон тоотойгоор үйл ажиллагаа эрхэлж байна.

9 зүтгүүр 245 вагоны парктайгаар тээвэрлэлт хийж байна.

Тавантолгой–Зүүнбаян чиглэлийн төмөр замын төслийн бүтээн байгуулалтад туслан гүйцэтгэгч компаниуд бүхий 3000 орчим техник хэрэгсэл, 6000 гаруй хүн хүч ажиллаж байна.

1.    Замын-Үүд дэх шилжүүлэн ачих цогцолбор

Замын-Үүд дэх шилжүүлэн ачих цогцолбор нь Япон улсын засгийн газрын буцалтгүй тусламжаар 1995 онд баригдсан. Төмөр замын нарийн царигаас өргөн царигт ачаа шилжүүлэх үндсэн үйл ажиллагаа явуулдаг. Бид уг байгууламжийн болон төмөр замын ачаа, тээврийн хэвийн үйл ажиллагааг хангах үүднээс “Улаанбаатар төмөр зам” ХНН-тэй хамтран ажиллаж байна.

2.    Зам-Үүд сум дахь “Бүс нутгийн логистик төв”

Логистикийн төв нь өргөн болон нарийн царигийн 11,6 км орчим төмөр зам, логистикийн төв рүү орох гарах төмөр замтай 2 түвшинд огтлолцох хүнд даацын 19 у/м төмөр бетон гүүрэн байгууламж, 1,6 км авто зам, дэд бүтэц, барилга байгууламж, инженерийн шугам сүлжээ бүхий нийт 128 га талбайг хамарсан цогц байгууламж юм.

Зам талбай нь чингэлгийн, хүнд даацын болон том оврын ачааны, агуулахын гэсэн 3 бүстэй. Чингэлэг шилжүүлэн ачих 50 тонны даацтай 2 өргөгч цамхаг ашиглалтад оруулсан нь хоногт 800 вагоныг шилжүүлэн ачиж, боловсруулах боломжтой болж байна

3Төмөртэй төмөр зам

“Монголын төмөр зам” ТӨХК нь 2016 оны 04 дүгээр сарын 03-ны өдрөөс Сэлэнгэ аймгийн төв Сүхбаатар хотоос 175 км, Улаанбаатар хотоос 453 км зайд байрлах Төмөртэй өртөөнөөс тээвэрлэлтийн үйл ажиллагааг эхлүүлсэн бөгөөд өнөөдрийн байдлаар Төмөртэйн төмрийн хүдрийн уурхайгаас төмрийн хүдрийг БНХАУ-руу тээвэрлэж байна. Жилд дунджаар 1 сая тонн төмрийн хүдрийг тээвэрлэж байна.

Төмөртэй төмөр зам нь галт тэрэгний үйл ажиллагаанд зориулагдсан хэсэг, зүтгүүрийн засварын депо, зэхэлтийн газар, вагоны үзлэг засварын пункт, замын хэсгийн байр, уурхайн ачилтын пункт гэсэн хэсгүүдээс бүрдсэн, сүүлийн үеийн техник технологи, дохиолол  холбооны МПТ төвлөрүүлэлтээр тоноглогдсон 33.4 км урт төмөр зам юм.

            Төмөртэй өртөө нь хүлээн авах явуулах 6 болон ачилтын 4 замтай, 2 дугаар зэргийн, мухрын өртөө юм. Түүнчлэн Хандгайт өртөөнд Төмөртэй өртөөний эзэмшлийн 1 замтай  ачилт, буулгалтын талбай байрладаг.

4. Тяньжин тээвэр логистикийн төв төсөл

2009 ондМонгол Улсын Зам, Тээвэр, Барилга хот байгуулалтын яам /хуучин нэрээр/ болон Тяньжин хотын Ардын Засгийн газар хооронд БНХАУ-ын Тяньжин хотын Бинхай шинэ дүүрэгт хоёр талын эдийн засаг, худалдааны хамтын ажиллагааг гүнзгийрүүлэн хөгжүүлэх тухай санамж бичгийг байгуулж, Тяньжин боомтын Дунзян чөлөөт худалдааны боомт бүсийн 10 га газарт 50 жилийн хугацаанд хамтарсан тээвэр, логистикийн төв байгуулах төслийг хэрэгжүүлэхээр болсон.

Төслийн үндсэн зорилго нь Монгол Улсыг Ази, Европ болон бусад тивтэй холбосон тээврийн оновчтой сүлжээг бий болгож, транзит тээврийг нэмэгдүүлэх, экспорт, импортын бараа бүтээгдэхүүний тээвэр, логистикийн өртгийг бууруулж, барааны эргэлтийг хурдасгах, чөлөөт худалдааны боомт бүсийн хөнгөлөлттэй бодлогод Монголын аж ахуйн нэгжүүдийг хамруулан үйлдвэрлэл, үйл ажиллагаа эрхлэх нөхцөлийг бүрдүүлэх юм.

“Монгол-Тяньжины Дунзян тээвэр логистикийн төв” төсөл нь Тяньжин хотын Бинхай шинэ дүүргийн “Дунзяны гаалийн баталгаат боомт” бүсэд 50 жилийн хугацаанд 10 га газрыг Хятадын талын “Тяньжин порт групп” ТӨХК-тай хамтарч эзэмшин, тээвэр логистикийн үйлчилгээ үзүүлэх юм.

   2019 онд охин компани болох “Монголиан порт групп” ХХК-аас БНХАУ-д байгуулагдсан 51:49%-ийн хамтарсан компани болох “Хятад-Монголын Олон Улсын Логистикийн Бүс” ХХК-д Монголын талын хөрөнгө оруулалтыг байршуулж,  төслийн үйл ажиллагааг эхлүүлээд байна.

5. “Шинэ төмөр зам” төсөл

УИХ-ын 2010 оны 32 дугаар тогтоол, 2018 оны 71 дүгээр тогтоолын нэмэлтээр “Төрөөс төмөр замын тээврийн талаар баримтлах бодлого”-ыг баталж, Монгол улсад шинээр баригдах нийт 6600 орчим км төмөр замыг 3 үе шаттайгаар барьж байгуулахаар заасан.

1 дүгээр үе шатад хөндлөн чиглэлийн 1100 орчим км төмөр зам, 2 дугаар үе шатад боомтууд руу чиглэсэн төмөр замууд болох нийт 1900 орчим км төмөр зам, 3 дугаар үе шатанд баруун коридорын 3600 орчим км төмөр замыг барьж байгуулахаар төлөвлөсөн.

Монгол Улсын Засгийн газрын 2012 оны 121 дүгээр тогтоолоор Төмөр замын бодлогын 1 болон 2-р үе шатны төмөр замын суурь бүтцийг барих тусгай зөвшөөрөл, Засгийн газрын  2013 оны 28 дугаар тогтоолоор дээр дурдсан төмөр замын суурь бүтцийг “барих-ашиглах-шилжүүлэх” концессыг “Монголын төмөр зам” ТӨХК-д олгосон юм.

“Монголын төмөр зам” ТӨХК нь Засгийн газрын үүргийн дагуу төслийг дотоодын болон олон улсын хөрөнгө оруулагчдын оролцоотой төслийн компаниар Барих-ашиглах-шилжүүлэх концессын нөхцөлтэй хэрэгжүүлэх юм.

 “Шинэ төмөр зам”төслийн хүрээнд дараах чиглэлүүдийг тусгасан байна.

            Тавантолгой – Гашуунсухайт (~ 240 км),

Тус төмөр зам нь Өмнөговь аймгийн Цогтцэций, Манлай сум, Дорноговь аймгийн Мандах, Сайншанд сумынЗүүнбаян багийн нутаг дэвсгэрийг хамран 414.6 км урт, 1 өртөө 6 зөрлөгтэй байна. Удирдах хэвгий 9 промиль, Голын даац 25 тонн, Цариг 1520 мм, 596 ш хоолой, 27 ш 2098.14 у/м урт гүүр бүхий дэд бүтэц байх юм. Нийт 430 км ЦДАШ татаж, хагас автомат дохиолол төвлөрүүлэлт хориглолын систем бүхий суурь бүтцийн байгууламжийг барьж байна.

Тус төмөр замыг барьж байгуулснаар Тавантолгойн уурхайгаас коксжих нүүрс экспортлох, уул уурхайн ба аж үйлдвэрийн бүтээгдэхүүний тээвэрлэлт, экспортыг нэмэгдүүлж, бүс нутгийн нийгэм, эдийн засгийн хөгжлийг дэмжих зорилготой. Жилд 15 сая тонн ачаа тээвэрлэнэ.

Төмөр замын барилгын ажил 2019 оны 05 дугаар сарын 24-ний өдөр эхэлсэн. Төмөр замын доод бүтцийн ерөнхий гүйцэтгэгчээр Зэвсэгт Хүчний Жанжин Штаб, төмөр замын дээд бүтцийн ерөнхий гүйцэтгэгчээр “Улаанбаатар төмөр зам” ХНН ажиллаж байна.

Тус төмөр зам нь Тавантолгой нүүрсний уурхайн коксжих нүүрсийг ОХУ, БНХАУ руу экспортлох шинэ гарц бий болгох ба төмөр замын трассын дагуу Цагаансуварга, Хармагтай, Манлай зэрэг нүүрс, төмөр, зэс, цайрын томоохон орд газрууд байрлаж байгаа нь Монголын уул уурхайн экспортод голлох нөлөөг үзүүлэх төмөр замын чиглэл болох болно.

Тавантолгой-Зүүнбаян чиглэлийн төмөр замын шугамыг барьж одоо байгаа дотоодын төмөр замын сүлжээгээр дамжуулан ОХУ, БНХАУ-ын төмөр замын сүлжээнд холбогдох, цаашилбал далайн боомтуудад хүрэх бөгөөд уул уурхайн бүтээгдэхүүнийг дэлхийн зах зээлд хүргэх боломжтой бүрдэх юм.

 

  • Тавантолгой – Зүүнбаян (~ 415 км),
  • Сайншанд –Хөөт (~ 430км)
  • Хөөт – Чойбалсан (~ 192 км),
  • Хөөт – Бичигт (~ 234 км),
  • Хөөт-Нөмрөг (~380 км),
  • Нарийнсухайт – Шивээхүрэн (~45.5 км)
  • Зүүнбаян-Ханги (~ 281 км)“Шинэ төмөр зам” төслийн Тавантолгой–Зүүнбаян чиглэлийн төмөр замын бүтээн байгуулалтын ажил
  • Тус төмөр зам нь Өмнөговь аймгийн Цогтцэций, Манлай сум, Дорноговь аймгийн Мандах, Сайншанд сумынЗүүнбаян багийн нутаг дэвсгэрийг хамран 414.6 км урт, 1 өртөө 6 зөрлөгтэй байна. Удирдах хэвгий 9 промиль, Голын даац 25 тонн, Цариг 1520 мм, 596 ш хоолой, 27 ш 2098.14 у/м урт гүүр бүхий дэд бүтэц байх юм. Нийт 430 км ЦДАШ татаж, хагас автомат дохиолол төвлөрүүлэлт хориглолын систем бүхий суурь бүтцийн байгууламжийг барьж байна.

    Тус төмөр замыг барьж байгуулснаар Тавантолгойн уурхайгаас коксжих нүүрс экспортлох, уул уурхайн ба аж үйлдвэрийн бүтээгдэхүүний тээвэрлэлт, экспортыг нэмэгдүүлж, бүс нутгийн нийгэм, эдийн засгийн хөгжлийг дэмжих зорилготой. Жилд 15 сая тонн ачаа тээвэрлэнэ.

    Төмөр замын барилгын ажил 2019 оны 05 дугаар сарын 24-ний өдөр эхэлсэн. Төмөр замын доод бүтцийн ерөнхий гүйцэтгэгчээр Зэвсэгт Хүчний Жанжин Штаб, төмөр замын дээд бүтцийн ерөнхий гүйцэтгэгчээр “Улаанбаатар төмөр зам” ХНН ажиллаж байна.

    Тус төмөр зам нь Тавантолгой нүүрсний уурхайн коксжих нүүрсийг ОХУ, БНХАУ руу экспортлох шинэ гарц бий болгох ба төмөр замын трассын дагуу Цагаансуварга, Хармагтай, Манлай зэрэг нүүрс, төмөр, зэс, цайрын томоохон орд газрууд байрлаж байгаа нь Монголын уул уурхайн экспортод голлох нөлөөг үзүүлэх төмөр замын чиглэл болох болно.

    Тавантолгой-Зүүнбаян чиглэлийн төмөр замын шугамыг барьж одоо байгаа дотоодын төмөр замын сүлжээгээр дамжуулан ОХУ, БНХАУ-ын төмөр замын сүлжээнд холбогдох, цаашилбал далайн боомтуудад хүрэх бөгөөд уул уурхайн бүтээгдэхүүнийг дэлхийн зах зээлд хүргэх боломжтой бүрдэх юм.